Albasgia (Olivier Ancey)
Invintà sponde nove
Chì nimu l’appii trove,
Invintà nove rive,
Altre parolle à scrive
Quandu l’estru si move.
Invintà una rima,
Mette ci fondu è cima
È cusì per dicretu
Pruclamà si puetu
È degnu d’ogni stima.
Po invintà dinù
Sò chì invintatu fù
È scrive à sicutera
Ma di un’antra manera :
Cù a manera in più.
È crede si di l’emme
Per accuppià inseme
Dui soni sumigli,
Ammantà li di gigli
È priziose gemme.
È colmu d’albasgia
Crede si qualchissia.
Qualchissia ? è perchè ?
Chì miraculu ci hè ?
Ùn hè cà puesia !
Chì nimu l’appii trove,
Invintà nove rive,
Altre parolle à scrive
Quandu l’estru si move.
Invintà una rima,
Mette ci fondu è cima
È cusì per dicretu
Pruclamà si puetu
È degnu d’ogni stima.
Po invintà dinù
Sò chì invintatu fù
È scrive à sicutera
Ma di un’antra manera :
Cù a manera in più.
È crede si di l’emme
Per accuppià inseme
Dui soni sumigli,
Ammantà li di gigli
È priziose gemme.
È colmu d’albasgia
Crede si qualchissia.
Qualchissia ? è perchè ?
Chì miraculu ci hè ?
Ùn hè cà puesia !