Lu mio Rè

Lu mio Rè
Da li to quindeci mesi
sempre à surrisi accesi
supraneghji l'universu
ùn ci n'hè più tempu persu

sì di mè
lu mio Rè

Cusì corte e nuttate
pocu impremenu e sunnate
ùn si dorme chè à l'albore
oghje sì lu mio chjarore

Sì di mè
lu mio Rè

Sò li to mughji à l'assaltu
di e m'arrechje è trasaltu
accampanu le mio ore
è vincenu lu mio core

Sì di mè
lu mio Rè

E sò li to versi è gneri
l'oghje più bellu chè eri
lu mio caru sò appesa
à la to risata tesa

Sì di mè
lu mio Rè

Innamurata scema sò
d'un omu di nove chilò
è la mio vita à l'arritrò
ùn hà chè ellu per patrò.

Stella Guelfucci