Hè fallata a casa di mammone Cu i so muri di petra arrita Strappendu cusi u vechju fuccone O affanu quantu ne so culpita. L'ochji sgridatti nantu isse paghjolle Sussurendu cume un trinichellu Ch'ogni sfiatu cuntava vechje fole O Diu hè fallatu u mo ghjuvellu. Hè cascatu u vechju muraglione Ramentu d'un tempu cusi luntanu Ormai hè chjosu u vechju purtone O cum'ellu hè grisgiu issu veranu. E issa lingua materna amparata In a casa quenta di u paese Un vogliu ch'ella sia affanata Pè i mo fonti sarebbe offese. Accantu a issu camminu struttu Un sentu piu a voce di l'anziani U castagnu hè diventatu mutu O quant'elli so brutti issi malanni. Di leva in purleva mo casetta Mai maghjerata omi tarcani Tu chi ci facia campà erbetta O Madonna nimu vederà 'ssi danni ?! E issi ricordi di zitellina So stati sguassati da u tempu spentu Chì tuttu ormai hè in pulvina E u core struttu compiu issu lamentu Bellissima puesia di Ghjiseppa,ghjovanna puetessa di 18 ANNI !!!!! |